ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಗಳಲ್ಲಿ (6-8 ನೇ ತರಗತಿ) ಖಾಲಿ ಇರುವ 15000 ಶಿಕ್ಷಕರ ನೇಮಕಾತಿಗೆ ಕರ್ನಾಟಕ ರಾಜ್ಯಪತ್ರದಲ್ಲಿ ಅಧಿಸೂಚನೆ ಹೊರಬಿದ್ದಿದೆ. ಈ ಮೂಲಕ ವೃಂದ & ನೇಮಕಾತಿ ನಿಯಮಗಳನ್ನು ರೂಪಿಸಿ ಕರ್ನಾಟಕ ಸಾರ್ವಜನಿಕ ಶಿಕ್ಷಣ ಇಲಾಖೆ ನೇಮಕಾತಿ ತಿದ್ದುಪಡಿ ನಿಯಮಗಳು 2020 ಅನ್ನು ರಚಿಸಿ ಅಧಿಸೂಚನೆ ಹೊಡಿಸಲಾಗಿದೆ.
ಇದರಲ್ಲಿ 10,000 ಹುದ್ದೆಗಳು ರಾಜ್ಯ ವಂದಕ್ಕೆ ಸೇರಿಸುತ್ತವೆ & ಇನ್ನುಳಿದ 5000 ಹುದ್ದೆಗಳು ಕಲ್ಯಾಣ ಕರ್ನಾಟಕ ಅಭ್ಯರ್ಥಿಗಳಿಗೆ ಮೀಸಲಾಗಿವೆ. ಈ ಹುದ್ದೆಗಳ ನೇಮಕಾತಿ ಕುರಿತಂತೆ ವಿವರಗಳನ್ನು ಇಲ್ಲಿ ಚರ್ಚಿಸೋಣ.
ಶೈಕ್ಷಣಿಕ ವಿದ್ಯಾರ್ಹತೆ:
ಪದವಿಯಲ್ಲಿ ಕನಿಷ್ಟ ಶೇ. 50 ಅಂಕಗಳೊಂದಿಗೆ ಉತ್ತೀರ್ಣ & ಪ್ರಾಥಮಿಕ ಶಿಕ್ಷಣದಲ್ಲಿ ಎರಡು ವರ್ಷಗಳ ಡಿಪ್ಲೋಮ ಉತ್ತೀರ್ಣರಾಗಿರಬೇಕು.
ಅಥವಾ
ಪದವಿಯಲ್ಲಿ ಕನಿಷ್ಟ ಶೇ. 50 ಅಂಕಗಳೊಂದಿಗೆ ಉತ್ತೀರ್ಣ & ಬಿ.ಇಡಿ ಪದವಿ / ವಿಶೇಷ ಶಿಕ್ಷಣ ಪದವಿ ಪಡೆದಿರಬೇಕು.
ಅಥವಾ
ಪಿಯುಸಿಯಲ್ಲಿ ಕನಿಷ್ಟ ಶೇ. 50 ಅಂಕಗಳೊಂದಿಗೆ ಉತ್ತೀರ್ಣ & ನಾಲ್ಕು ವರ್ಷಗಳ ಬ್ಯಾಚುಲರ್ ಆಫ್ ಎಲಿಮೆಂಟರಿ ಎಜುಕೇಷನ್ ಪದವಿ/ ನಾಲ್ಕು ವರ್ಷಗಳ ಬ್ಯಾಚುಲರ್ ಆಫ್ ಎಜುಕೇಷನ್ ನಲ್ಲಿ ಉತ್ತೀರ್ಣರಾಗಿರಬೇಕು.
ಪರಿಶಿಷ್ಟ ಜಾತಿ/ ಪರಿಶಿಷ್ಟ ಪಂಗಡ/ ಪ್ರವರ್ಗ 1/ ವಿಕಲಚೇತನ ಅಭ್ಯರ್ಥಿಗಳಿಗೆ ಶೇ. 45 ಅಂಕಗಳನ್ನು ಪಿಯುಸಿ / ಪದವಿಯಲ್ಲಿ ಪಡೆದಿದ್ದರೆ ಅರ್ಹರಾಗಿರುತ್ತಾರೆ.
ಮೇಲ್ಕಾಣಿಸಿದ ವಿದ್ಯಾರ್ಹತೆಯೊಂದಿಗೆ ಕರ್ನಾಟಕ ಅಥವಾ ಭಾರತ ಸರ್ಕಾರ ನಡೆಸುವ ಶಿಕ್ಷಕರ ಅರ್ಹತಾ ಪರೀಕ್ಷೆಯಲ್ಲಿ ಪತ್ರಿಕೆ 2 ರಲ್ಲಿ ಅರ್ಹತೆ ಗಳಿಸಿರಬೇಕು.
ವಯೋಮಿತಿ:
ಸಾಮಾನ್ಯ ವರ್ಗ : 40 ವರ್ಷ
2ಎ, 2ಬಿ, 3ಎ, 3ಬಿ : 43 ವರ್ಷ
ಪ.ಜಾ, ಪ.ಪಂ, ಪ್ರವರ್ಗ 1 : 45 ವರ್ಷ
ಆಯ್ಕೆ ವಿಧಾನ:
| ಸ್ಪರ್ಧಾತ್ಮಕ ಪರೀಕ್ಷೆಯಲ್ಲಿ ಪಡೆದ ಅಂಕಗಳು | 0.50 |
| ಟಿಇಟಿ ಪರೀಕ್ಷೆಯಲ್ಲಿ ಪಡೆದ ಅಂಕಗಳು | 0.20 |
| ಪದವಿಯಲ್ಲಿ ಪಡೆದ ಅಂಕಗಳು | 0.20 |
| ಶಿಕ್ಷಕರ ಶಿಕ್ಷಣ ಕೋರ್ಸಿನಲ್ಲಿ ಪಡೆದ ಅಂಕಗಳು | 0.10 |
ಪರೀಕ್ಷಾ ವಿಧಾನ:
ಪತ್ರಿಕೆ 1:
ಎಲ್ಲರಿಗೂ ಕಡ್ಡಾಯವಾಗಿರುತ್ತದೆ.
| ವಿಷಯ | ಅಂಕಗಳು |
| ಸಾಮಾನ್ಯ ಕನ್ನಡ ಭಾಷೆ | 25 |
| ಸಾಮಾನ್ಯ ಅಂಗ್ಲ ಭಾಷೆ | 25 |
| ಸಾಮಾನ್ಯ ಜ್ಞಾನ | 25 |
| ಶೈಕ್ಷಣಿಕ ಮನೋವಿಜ್ಞಾನ & ವಿಕಸನ, ಬೋಧನಾ ವಿಧಾನ | 55 |
| ಮೌಲ್ಯ ಶಿಕ್ಷಣ & ಅರೋಗ್ಯ ಶಿಕ್ಷಣ | 15 |
| ಗಣಕ & ಪ್ರಬುದ್ದತೆ ಬಗ್ಗೆ | 10 |
| ಒಟ್ಟು ಅಂಕಗಳು | 150 |
ಪತ್ರಿಕೆ 2:
| ಭಾಷೆ, ಅಂಗ್ಲ ಗಣಿತ & ವಿಜ್ಞಾನ ಹಾಗೂ ಸಮಾಜ ಪಾಠಗಳ ಶಿಕ್ಷಕರಿಗೆ ಮಾತ್ರ | |
| ವಿಷಯ | ಅಂಕಗಳು |
| ಆಯಾ ವಿಷಯದ ಜ್ಞಾನ –MCQ | 50 |
| ಆಯಾ ವಿಷಯದ ಜ್ಞಾನ – ವಿವರಣಾತ್ಮಕ | 100 |
| ಒಟ್ಟು | 150 |
ಪೇಪರ್ 2 ರ ಪತ್ರಿಕೆಯಲ್ಲಿ ಕನಿಷ್ಠ ಶೇ. 50 ಅಂಕಗಳನ್ನು ಗಳಿಸುವುದು ಕಡ್ಡಾಯವಾಗಿದೆ.
ಪತ್ರಿಕೆ 3: ಭಾಷಾ ಸಾಮರ್ಥ್ಯ ಪರೀಕ್ಷೆ
| ಗಣಿತ & ವಿಜ್ಞಾನ ಹಾಗೂ ಸಮಾಜ ಪಾಠಗಳ ಶಿಕ್ಷಕರಿಗೆ ಮಾತ್ರ | |
| ವಿಷಯ | ಅಂಕಗಳು |
| ಆಯಾ ಬೋಧನಾ ಮಾಧ್ಯಮದ ಬಾಷಾ ಸಾಮರ್ಥ್ಯ – ವಿವರಣಾತ್ಮಕ ಪರೀಕ್ಷೆ (ಭಾಷಾ ಬಳಕೆಯ ಸಾಮರ್ಥ್ಯ, ಗ್ರಹಿಸುವಿಕೆ, ಶಬ್ಧ ಭಂಡಾರ & ಬರವಣಿಗೆ ಸಾಮರ್ಥ್ಯಗಳು | 100 |
| ಒಟ್ಟು | 100 |
ಪೇಪರ 3 ರಲ್ಲಿ ಕನಿಷ್ಟ ಶೇ. 60 ಅಂಕಗಳನ್ನು ಗಳಿಸುವುದು ಕಡ್ಡಾಯವಾಗಿದೆ.
ಎಲ್ಲಾ ಮೂರು ಪತ್ರಿಕೆಗಳ ಅಂಕಗಳನ್ನು ಆಯ್ಕೆಗೆ ಪರಿಗಣಿಸಲಾಗುವುದು.
